كلمات على لسان مصر

 بهدى  الكلمات دى لكل الثوار اللى شاركوا فى الثورة العظيمة دى  وكنت بلاحظ فى عيونهم وصوتهم الكلمات دى فعبرت عنها بأسلوبى البسيط  :                                                                                                                                              شايفة عينيك بتلمع با لتحدى

ونبرتك كاسرة الحواجز وبتعدى
صوتك وصل لى هز وجدانى
بتقولى والله ياأمى وحشانى
خدينى ضمينى لحضنك تانى
وسامحينى ولوأنى مش الجانى
هما اللى ظلمونى ...
كل اللى بعدونى ...
وحاولوا يعلمونى...
إزاى ابقى أنانى
مايعرفوش أنى من طينك
وجينى من جينك
وعينى فدا عينك
والدم بيحن تانى **********
راجع وأنا كلى إصرار
حالف لاخد بالتار
من كل اللى خانوكى
ورفعوا فى وشك النار
واغتالوا كل الأمانى ***********
راجع ابنى لك مجدك
وأكون فى الدنيا سندك
وتفتخرى إن أنا ولدك
وأفتخر أنك بلادى
وأموت أموت وتعيش بلادى
أموت أموت وتعيش بلادى